काठमाडौं ।
पबजी मोबाइल नयाँ अवतारमा भारत फर्कने मूल कम्पनी पबजी कर्पोरेसनले बिहीबार घोषणा गरेको छ।
दक्षिण कोरियाली गेमिंग फर्मले यसको महत्वपूर्ण मोबाइल गेम भारतमा प्रतिबन्धित गरेको दुई महिना पछि विश्वको दोस्रो ठूलो इन्टरनेट बजारमा फर्कने योजना गरिरहेको थियो।
यसका साथै कम्पनीले स्थानीय भिडियो गेम, एस्पोर्ट्स, मनोरन्जन र आईटी उद्योग ईकोसिस्टमहरू विकास गर्न भारतमा १०० मिलियन डलरको लगानी गर्ने योजना बनाएको टेकक्रन्चको रिपोर्टमा उल्लेखछ।
‘भारतमा पबजी ईस्पोर्टसम्बन्धी विशाल समुदायीय उत्साहका लागि धन्यवाद, कम्पनीले भारतमा विशेष एक्सपर्ट कार्यक्रमहरूको आयोजना गरेर लगानी गर्ने पनि योजना बनाएको छ, जुन सबैभन्दा ठूलो प्रतियोगिता, सबैभन्दा ठूलो पुरस्कार, र सर्वश्रेष्ठ टूर्नामेन्ट उत्पादनहरू प्रस्तुत गर्दछ,’ कम्पनीले विज्ञप्तिमा भनेको छ । यसका साथै पबजीले भारतमा १०० भन्दा बढी कर्मचारीहरु नियुक्त गर्ने योजना बनाएको बताएको छ ।
तर कम्पनीले विशेष गरी भारतको लागि सिर्जना गरिएको नयाँ गेम कहिले सार्वजनिक हुन्छ भनेर ठ्याक्कै समय तोकेको छैन् ।
पबजी कर्पोरेसनले भारतीय खेलाडीहरुको डाटाको सूरक्षा र गोपनियता निकै महत्वपूर्ण भएको भन्दै कम्पनीले त्यसको लागि नियमित अडिट र प्रमाणीकरण गर्ने बताएकोछ ।
भारतले गत सेप्टेम्बरमा चिनियाँ एपहरुमा प्रतिबन्ध लगाउने क्रममा पबजीमा पनि प्रतिबन्ध लगाएको थियो । पबजी मोबाइल गेमका भारतमा ५ करोड सक्रिय प्रयोगकर्ताहरु रहेका थिए ।
प्रकाशित: २७ कार्तिक २०७७, बिहीबार
