फोर्टनाइट गेम आईफोनमा जीफोर्स क्लाउड गेमिङ्गको माध्यमबाट फिर्ता आउनसक्ने

काठमाडौं ।

आईफोन र आईप्याडका प्रयोगकर्ताहरूले चाँडै नै क्लाउड सेवा मार्फत फोर्टनाइट खेल्न सक्षम हुनेछन् ।

एनभिडियाले यसको जीफोर्स क्लाउड गेमिङ्ग सेवाको संस्करण विकास गरेको छ जुन मोबाइल वेब ब्राउजर सफारीमा चल्दछ।

एप्पलले यो तरीकाले खेल्ने बेला रोयल फाइटिङ्ग शीर्षकमा भर्चुअल आईटमहरू बेच्नलाई रोकेको छैन।

एप्पल फोर्टनाइटको विकासकर्ता एपिकको साथ कानुनी लडाईमा रहेको छ, जसलेगर्दा आईफोन निर्माताले आईओएस एप स्टोरबाट यो खेल हटाएको थियो।

एपिकले दावी गरेको छ कि ३० प्रतिशत कमिशन एप्पलले एप-इन गेमिङ्ग खरिदमा शुल्क लिन्छ जून अप्रतिस्पर्धी हो।

तर एप्पलले एपिकलाई ‘फ्रि राईड’ अर्थात निशुल्क सवारी गर्न खोजेको आरोप लगाएको छ।

यो विषयमा मेमा मुद्दा शुरु भएको थियो र समाधान हुन धेरै बर्ष लाग्न सक्नेछ।

फोर्टनाइटले पेश गरेको मुद्दाको कागजातहरूको आधारमा आईओएसमा ११ करोड ६० लाख प्रयोगकर्ताहरू थिए, जसमध्ये ७ करोड ३० लाखले मात्र एप्पलको अपरेटिङ्ग प्रणाली मार्फत खेल्ने गरेका थिए।

एन्ड्रोइडको विपरीत, एप्पलले खेलहरू वा अन्य एपहरू आफ्नो फोनहरू वा ट्याब्लेटहरूमा यसको आफ्नै बाहेक अन्य एप स्टोरहरूमार्फत लोड हुन अनुमति दिँदैन।

तर यसले सफारी वा अन्य स्टोरहरूमार्फत उपलब्ध अन्य वेब ब्राउजरहरूमा कुनै थर्ड पार्टी सेवाहरू चलाउन प्रतिबन्धित गर्दैन।

एनभिडियाले हाल म्याक, विन्डोज, एन्ड्रोइड र क्रोमबुक कम्प्युटरहरूको लागि जीफोर्स नाउ प्रदान गर्दछ।

यसले औपचारिक रूपमा घोषणा गरेको छैन कि यसले सेवा आईओएसमा ल्याइरहेको छ तर जाडो बिदा अघि त्यस्तो गर्ने आशा गरिएको छ।

यद्यपि यो अझै सम्भव छ कि फोर्टनाइट एप्पलको डिभाइसहरु लाई प्रस्ताव गरिएको खेलहरुको सूचीबाट बाहिर राखिनसक्छ । बीबीसी