अन्तराष्ट्रिय अन्तरिक्ष स्टेशनमा मानिस पुगेको २० वर्ष पुरा, २४० अन्तरिक्ष यात्री र २३० वटा स्पेसवाक

काठमाडौं ।

अन्तराष्ट्रिय अन्तरिक्ष स्टेशन स्थापना गरेको र अन्तरिक्ष केन्द्रमा मानिस पुगेको २० वर्ष पुरा भएको छ । २० वर्ष पुरा भएको बारेमा हालै नासाको स्पेस स्टेशनले ट्विट गरेर २० औं वर्ष पुरा गरेको र सो अवधिमा कयौं किसिमका अनुसन्धानहरु गरिएको जानकारी दिएको छ ।

अन्तराष्ट्रिय अन्तरिक्ष स्टेशनमा सन् २००० नोभेम्बरमा पहिलो पटक अन्तरिक्ष यात्रीहरु पुगेका थिए ।

सन् २००० नोभेम्बर २ मा पहिलो पटक अन्तरिक्ष यात्रीहरु बिल शेफर्ड, कस्मोन्टस सर्गेई क्रिकालेभ र यूरी गिजेन्कोले करिब ४ महिना बिताएर विभिन्न उपकरणहरु र ल्याब स्थापना गरेका थिए ।

सन् २००० मा सोयुज स्पेसक्राफ्टबाट पहिलोपटक उडान भरेका थिए जसलाई एक्सपेडिसन १ नाम दिईएको थियो ।

Today marks the #SpaceStation20th and we conclude our crew countdown with the members of Expeditions 62, 63, and 64. With their stays on station during its 20th year of continuous human presence, they continue the streak in 2020. pic.twitter.com/0miDWJGWTs

— International Space Station (@Space_Station) November 3, 2020

यो २० वर्षको अवधिमा अन्तरिक्ष स्टेशनमा २४० अन्तरिक्ष यात्रीहरु विभिन्न १९ देशहरुबाट पुगेका छन भने २३० वटा स्पेसयात्रा तथा ३ हजार भन्दा बढि अनुसन्धानहरु गरिएको छ ।

सो अन्तरिक्ष अनुसन्धान केन्द्रमा पृथ्विमा गर्न नसकिने किसिमका विभिन्न रोगहरु र अन्य विषयहरुको समेत अनुसन्धान गरिएको छ । जसमा क्यान्सर, अल्जाइमर,पार्किन्सन, अास्थमा, मुटुलगायतका रोगहरुको बारेमा अनुसन्धान गरिएको छ ।

त्यसैगरि पिउनेपानीलाई स्वच्छ बनाउने प्रणालीको विकास, विभिन्न औषधिहरुको अनुसन्धान, क्वान्टम मेकानिक्सको अनुसन्धान, टिस्यू चिपको परीक्षण, विभिन्न खाधान्नहरुको विकास र उत्पादनको बारेमा समेत अनुसन्धान गरिएको छ । जसले मावन जिवनलाई सहज बनाउन भुमिका खेल्ने नासाको भनाई छ ।

हाल सो स्पेस स्टेशनमा ५ जना अन्तरिक्ष यात्रुहरु बस्नसक्ने सुबिधा रहेको छ भने विज्ञान र अनुसन्धानलाई निरन्तरता दिने नासाले उल्लेख गरेको छ ।