भिभोले नयाँ अपरेटिङ्ग सिस्टम ‘ओरिजिन ओएस’ ल्याउँदै, फनटच ओएसलाई प्रतिस्थापन गर्ने

काठमाडौं ।

चिनियाँ स्मार्टफोन मेकर भिभोले आफ्नो फनटच ओएसलाई प्रतिस्थापन गर्ने यसअघि नै समाचार आएको थियो । जसलाई कम्पनीले हाल आधिकारीकरुपमा नै पुष्टि गरेको छ।

भिभोले फनटच ओएसलाई पूर्णरुपमा एन्ड्रोयडमा आधारित नयाँ ओएस ओरिजिनद्धारा प्रतिस्थापन गर्ने भएको हो । कम्पनीले आफ्नो आधिकारिक वेबो एकाउन्टबाट ओरिजिन ओएस छिटै आउने घोषणा गरेको छ ।

यसका साथै यहि नोभेम्बर १९ मा चीनको सेनझेनमा भिभो डेभलपर कन्फ्रेन्स आयोजना गर्ने घोषणा गरेको छ । संभवत सो कन्फ्रेन्समा नै नयाँ अपरेटिङ्ग सिस्टम आउने बताईएकोछ।

सो कन्फ्रेन्समा नयाँ ओएस, आईओटी, गेम्स, एप्लिकेसन, टेक्नोलोजी लगायतका विषयमा छलफल हुनेछ।

सो कन्फ्रेन्समा हार्डवेयर पनि ल्याईने छ वा छैन भन्ने जानकारी छैन् ।

भिभोको नयाँ ओएस कम्पनीको नयाँ स्मार्टफोन एक्स ६० सिरिजका साथ सार्वजनिक गर्ने अनुमान गरिएको छ।