भारतीय फूड एण्ड प्याकेजिङ्ग कम्पनी हल्दीराममा साइबर आक्रमण, मागियो फिरौती रकम

काठमाडौं ।

भारतको प्रसिद्ध फूड एण्ड प्याकेजिङ्ग कम्पनी हल्दीराममा साइबर आक्रमण भएको छ। सो साइबर आक्रमणको बारेमा कम्पनीको तर्फबाट सेक्टर ५८ पुलिस स्टेशन नोएडामा उजुरी गरिएको छ।

साइबर अपराधीहरूले कम्पनीका धेरै विभागहरूको डाटा डिलिट गरिदिएका छन्, जसका कारण कम्पनीले धेरै समस्या भोग्नु परेको छ। डाटा फिर्ता गर्ने क्रममा साइबर अपराधीले भारु ७ लाख रुपैयाँ माग गरेको भारतीय मिडियाहरुले उल्लेख गरेका छन्।

पुलिस आयुक्त आलोक सिंहका मिडिया इन्चार्ज अभिनेन्द्र सिंहले भने कि खाना र प्याकेजिंग कम्पनी हल्दीरामको नोएडाको सेक्टर ६२ को सी ब्लकमा कर्पोरेट कार्यालय छ। कम्पनीको आईटी विभाग यहाँबाट सञ्चालन हुन्छ। हल्दीराम कम्पनीका डीजीएम अजीज खानले १२ र १३ जुलाईको रात कम्पनीमा भाइरस आक्रमण भएको बताएका थिए।

सो भाइरस आक्रमण सेक्टर ६२ मा कम्पनीको कर्पोरेट कार्यालयको सर्भरमा भएको थियो। यस आक्रमणको कारण, कम्पनीको मार्केटिंग व्यवसायका साथै अन्य विभागहरूका डाटा समेत हराएको छ भने विभागहरूको डाटा पनि डिलिट गरिएको छ ।

उजुरीकाअनुसार कम्पनीका धेरै महत्वपूर्ण फाइलहरू पनि हराइसकेका थिए। जब यो कम्पनीको उच्च अधिकारीहरुलाई थाहा भयो, पहिले एक आन्तरिक अनुसन्धान गरिएको थियो।

यसपछि कम्पनीका अधिकारीहरू र साइबर आक्रमणकारी बीच कुराकानी भएको थियो, जबकि साइबर अपराधीहरूले कम्पनीबाट ७ लाख भारु मागे। एजेन्सी