गूगल म्याप्सले आईफोन प्रयोगकर्ताहरूको लागि ‘लाइभ भ्यू’ फीचर उपलब्ध गराउने

काठमाडौं ।

गूगल म्याप्सले आईफोन प्रयोगकर्ताहरूको लागि चाँडै नै अपडेट गरिएको लाइभ दृश्य (लाइभ भ्यू) अनुभव गर्न सक्ने फीचर ल्याउने घोषणा गरेको छ। यसका साथै सबै एन्ड्रोइड प्रयोगकर्ताहरूसँग समेत सो फीचर उपलब्ध हुने बताएको छ।

गूगल पिक्सेल प्रयोगकर्ताहरूले गत महिनादेखि अपग्रेड गरिएको लाइभ दृश्य हेर्न सुरु गरेका छन् जसले पिन गरिएको अर्थात चिन्हित गरिएको स्थान फेला पार्नको लागि अझै मद्दतपूर्ण एरोहरू र दिशा निर्देशनहरू समावेश गर्दछ।

गूगलले ब्लग पोष्टमार्फत सो घोषणा गरेको हो। गूगल म्याप्समा अगुमेन्टेड रियालिटीले डिजिटल एरो, पिन र मार्करहरू तपाईंको अगाडि ल्याउँदछ जब तपाईं आफ्नो फोनको क्यामरामा हेर्दै हिड्दैहुनुहुन्छ। गूगल म्याप्सले यसलाई लाइभ भ्यू भन्दछ। यो अगस्ट २०१९ देखि यता आएको हो र यो निकै सहयोगी र उपयोगी छ जब कुनै व्यक्तिले खोजिरहेको ठेगाना वा पिन गरिएको स्थान फेला पार्ने प्रयास गरिरहेकोछ।

अपडेटको साथ, यदि एक प्रयोगकर्ताले म्याप्स एपमा लाइभ भ्यू खोल्दछ जब एक साथीले पार्कबाट पिन गरिएको स्थान शेयर गर्दछ, त्यसबेला उसलाई सहिरुपमा कहाँ हिंड्नुपर्ने भन्दै प्रयोगकर्ताले एर्रो र दिशाहरू हेर्नेछ।

एक पटक प्रयोगकर्ता वरिपरि हिँडिरहँदा र हिड्ने बाटोको अगाडि फोनलाई समात्छ भने यसले उत्कृष्ट कार्य गर्दछ। प्रयोगकर्ताले लाइभ भ्यूमा क्लिक गर्नुपर्दछ र अर्को व्यक्ति कुन स्थानमा छ भनेर अनुमान गर्नुको सट्टा प्रयोगकर्तालाई अर्को व्यक्तिको दिशामा निर्देशित गरिनेछ।

गूगल म्याप्सले आईफेल टावर वा एम्पायर स्टेट बिल्डिंग जस्ता स्थलहरू लेबल गर्न आफ्नो लाइभ भ्यूलाई अपडेट गरेको छ र पिन गरिएको स्थान मार्करहरूलाई थप सहिरुपमा देखाउनेछ ।यो सुबिधा सिमित शहरहरुमा मात्र उपलब्ध रहेको छ ।

गूगलको लाइभ भ्यू फीचर केबल एआर सपोर्ट गर्ने फोनहरुमा मात्र प्रयोग गर्न सकिनेछ । एजेन्सी