अब लेखेर होईन बोलेर ट्वीट गर्न सकिने ‘भ्वाइस ट्वीट’ फीचर, आफ्नै आवाजमा ट्वीट गर्नुस्

काठमाडौं ।

माइक्रोब्लगिंग वेबसाइट ट्विटरले एक नयाँ फीचर भ्वाईस ट्वीट सुरू गरेको छ। यो सुविधा हाल आईओएसका लागि मात्र उपलब्ध हुनेछ।

कम्पनीले यो फीचरको शुरुवात सीमित उपयोगकर्ताहरुको लागी मात्र गरिएको बताएको छ।

ट्विटरकाअनुसार कयौं समयमा २८० क्यारेक्टरहरू कहिलेकाँही पर्याप्त हुँदैन, त्यसैले कम्पनी यस नयाँ फीचरको माध्यमबाट ट्विटर प्रयोग गर्न दिन चाहन्छ। त्यसैले अब प्रयोगकर्ताहरूले आफ्नो ट्वीट उनीहरूको आवाजमा रेकर्ड गर्न सक्षम हुनेछन्।

भ्वाइस ट्वीट प्रयोग गर्ने तरिका तपाईले टेक्स्ट ट्वीट गरे जस्तो नै हो । यसमा भ्वाइस ट्वीटको लागि तपाईंले ट्वीट कम्पोजर खोल्नु पर्छ र यहाँ तपाईंले नयाँ वेभलेन्थको आईकन देख्नुहुनेछ।

यसलाई ट्याप गरेपछि तपाईले रेकर्ड गर्ने विकल्प पाउनुहुनेछ, यस समयमा तपाईंको प्रोफाइल फोटो केन्द्रमा देखिनेछ र रेकर्ड बटन यहाँ देखाइनेछ।

ट्याप गरेर तपाईं भ्वाइस ट्वीट पठाउन सक्नुहुनेछ। एक पछि अर्को आवाज ट्वीट थ्रेडमा रूपान्तरण हुनेछ।

ट्विटरले भनेको छ, ‘प्रत्येक भ्वाइस ट्वीटले १४० सेकेन्डको अडियो रेकर्ड गर्न सक्छ। यदि तपाईंसँग यो भन्दा बढि कुरा भन्नु छ भने पनि तपाईं निरन्तर बोलिरहनुस् । भ्वाइस ट्वीटको सीमा सकिसकेपछि, नयाँ भ्वाइस ट्विट शुरू हुनेछ र यसले एउटा थ्रेड सिर्जना गर्दछ।’

भ्वाइस ट्वीट्स ट्विटरको फिडमा सामान्य ट्वीट्सको रूपमा नै देखा पर्नेछ । एक अडियो ट्वीट सुन्नको लागि इमेजमा ट्याप गर्नुपर्नेछ । एजेन्सीका साथमा