काठमाडौं ।
सामसङले आफ्नो ग्यालेक्सी वाच प्रयोगकर्ताहरुका लागि नयाँ हात धुने एप ‘ह्याण्ड वास’ सार्वजनिक गरेको छ । यसको डिजाइन वेयरेबल गियर्स र स्मार्टवाचहरूको गरिएको छ ।
यो हात धुने एपले दिनभर नियमित अन्तरालमा आफ्ना हात धुनका लागि प्रयोगकर्तालाई सम्झाउँदछ।
कम्पनीले युनिभर्सिटी कलेज लन्डनको २०२० अध्ययनअनुसार दिनको छ देखि १० पटक सम्म हात धुनु उपयुक्त भएको बताएको छ भने शौचालय गए पछाडि र खानु अगाडिअगाडी हात धनुपर्ने उल्लेख गरेको छ ।
यसको अलार्म प्रत्येक दुई घण्टा वा त्यसलाई तपाईंले आफैं समय थप्न वा परिमार्जन गर्न सक्नुहुन्छ । जतिबेला तपाईं सिंकमा वा बेसिनमा पुग्नुहुन्छ डिभाइसलाई स्वाइप गर्दा २५ सेकेन्डको काउन्टर शुरू हुनेछऽ जसमा साबुन लगाउनका लागि पाँच सेकेन्ड र रगडेर धुनका लागि २० सेकेण्ड तोकिनेछ ।
सामसङका सबै ग्यालेक्सी वाचहरु वाटरप्रुफ भएको हुँदा यसलाई फुकाल्नुपर्ने आवश्यकता पर्दैन् ।
प्रकाशित: २१ जेष्ठ २०७७, बुधबार
