अमेरिकामा बढ्दाे दमनका बिच ह्याकर ग्रुप ‘एनोनिमस’ फेरी उदायो, सरकारलाई चेतावनी दिँदै

काठमाडौं ।

अमेरिकामा अस्वेत नागरिक जर्ज फ्लोयडको प्रहरी यातानाबाट मृत्युसँगै आन्दोलन र प्रदर्शनहरु हुँदै आएको छ । पछिल्लो दिनमा हिंसात्मक आन्दोलन समेत कतिपय शहरहरुमा भएका छन् ।

यहि समयबिचमा ह्याकिङ्ग ग्रुप एनोनिमस(Anonymous) सार्वजनिक भएको छ ।

ह्याकरहरुको संयुक्त समूहले अहिलेको अस्वेत नागरिकको हत्यालाई लिएर भएको घट्नामा अन्याय भएको विरोधमा विभिन्न साइबर आक्रमणहरु गर्न शुरु गरेको छ ।

वर्षौदेखि चुपचाप रहेको सो ह्याकिङ्ग ग्रुपले अहिलेको मिनियापोलिसमा भएको सो घट्नाको विरोधमा साइबर आक्रमण गर्न थालेको हो ।
सो समूहले हालै मात्र मिनियापोलिस पुलिस डिपार्टमेन्टको वेबसाइटलाई अस्थाईरुपमा बन्द गराएको थियो । सो वेबसाइट शनिवारदेखि डाउन रहेको थियो ।

अहिले सो वेबसाइट ठिक भएपछि भिजिटरहरुलाई अतिरिक्त सेक्यूरिटी लेभल राखिएको छ ।

सो ह्याकर समूहले सोशल मिडिया फेसबुक र ट्विटरमार्फत प्रहरीहरुले गरेको ज्यादती विरुद्द विभिन्न प्रमाणहरु सार्वजनिक गरिदिने चेतावनी दिएको छ ।

सो ग्रुपले अमेरिकी राष्ट्रपति डोनाल्ड ट्रम्प, अमेरिकी फाइनान्सर जेफरी इप्सटन र बेलायतीका राजकुमारी प्रिन्सेज डायनाको मृत्युको बारेमा कयौं प्रमाणहरु भएको दाबी गरेको छ । जसको बारेमा छिटै खुलासा गरिने बाईएको छ ।

सामाजिक संजालमा एनोनिमसको बारेमा चर्चा तिब्रगतिमा फैलिएको छ ।

एनोनिमस सामाजिक संजालमा एउटा भिडियो समेत पोस्ट गरेको छ जसमा कालो रंगको हुडी लगाएका एनोनिमसको पोस्टर युवा फक्सको सिलआउट समेत देखिएको छ ।

ह्याकर समूहले भिडियोमा प्रहरीले  गरेको अन्य दमन कार्यहरुको बारेमा क्लिप समेत राखेको छ । र यो शुरुवात मात्र भएको बताएको छ ।

https://www.facebook.com/watch/?ref=external&v=285581555919237

ह्याक्टिभिस्टको कुनै एउटै अनुहार छैन्, र कुनै नेतृत्वपनि छैन् । यसको ट्यागलाइन वि आर लेगन अर्थात हामीहरु लस्कर हौं भन्ने रहेको छ ।

यसको कुनै केन्द्रिय कमाण्ड छैन भने जो कसैले पनि ग्रुपको एक भाग भएको दाबी गर्न सक्दछ । यसका सदस्यहरु विभिन्न स्थानमा छन भने उनीहरुको कुनै एउटा एजेण्डा हुँदैन् । एजेन्सीका साथ