काठमाडौं ।
माईक्रोसफ्टको लोकप्रिय अपरेटिंग सिस्टम विन्डोज १० एक्सको लागी पर्खाइ समाप्त हुन लागेको छ। अब यो अपरेटिंग सिस्टम यहि महिना लन्च हुने अवस्थामा पुगेको छ ।
कम्पनीले यस ओएसको बारेमा गत वर्ष अक्टोबरमा जानकारी दिएको थियो। माइक्रोसफ्ट विन्डोज र डिभाइसका चिफ प्रडक्ट अफिसर पानोस पानयले आफ्नो ब्लग पोष्टमा कम्पनीको नयाँ योजनाको विवरण साझा गरेका छन्।
यो अपरेटिंग सिस्टम केही नयाँ सुविधाहरूको साथ मेमा सुरू गरिएको हो भनेर भनिएको थियो जुन विन्डोज १० अपडेटमार्फत प्रस्तुत हुनेछ।
पानयले विन्डोज १०एक्स सबैभन्दा पहिले सिंगल स्क्रिनको साथ आउने जानकारी दिएका छन्। यो सँगसँगै विन्डोजको डुअल स्क्रीन खोज्ने मानिसहरूका लागि भने अझै केही समय पर्खनु पर्ने भएको छ।
गत अक्टुबरको तुलनामा संसार अब फरक अवस्था र स्थानमा छ, जतिबेला हामीले डुअल स्क्रिन विन्डोज डिभाइसको लागि हाम्रो योजनाहरू साझा गरेका थियौं,’ पानयले लेखेका थिए ।
‘विन्डोज १० एक्सको साथमा, हामीले लचकताकालागि डिजाइन गरेका छौं, र त्यो लचकताले हाम्रो फोकस सिंगल स्क्रीन विन्डोज १० एक्स डिभाइसहरुमा परिवर्तन गर्न सक्षम गर्दछ । जुन हाम्रा ग्राहकहरूलाई काम गर्न, सिक्न, र नयाँ तरिकाले खेल्नका लागि सहयाेग गर्न क्लाउड पावरको फाइदा लिनसक्नेछन्,’ ब्लगमा लेखिएको छ।
माइक्रोसफ्टले गत अक्टोबरमा नयाँ अपडेटहरू घोषणा गरेको थियो जसमा डुअल स्क्रिन पीसीहरू र डुअल स्क्रीन भएको सर्फेस नियो एन्ड्रोइडमा आधारित डुअल स्क्रीन फोनको बारेमा बताईएको थियो । सर्फेस नियो यस छुट्टीको मौसममा आइपुग्ने तालिका थियो, तर नयाँ रिपोर्टका अनुसार नियो र अन्य डुअल स्क्रिन विन्डोज १०एक्स डिभाइसहरु २०२० भन्दा पछाडि पनि ढिलाइ हुन सक्नेछ । एजेन्सी
प्रकाशित: २४ बैशाख २०७७, बुधबार
