काठमाडौं ।
अल्फाबेट इंकका प्रमुख कार्यकारी अधिकृत सुन्दर पिचाई विश्वमै सबैभन्दा धेरै तलब खाने सिईओ भएका छन् । हालै कम्पनीले सन् २०१९ मा २ करोड ८१ लाख अमेरिकी डलर कम्पेनसेसनको रुपमा उनलाई दिईएको जानकारी दिएको छ।
अल्फाबेटले हालै नियमनकारी निकायलाई पेश गरेको बिबरणअनुसार पिचाईलाई प्रमुखरुपमा स्टक अवार्डको रुपमा सो रकम दिईएको हो । केहि रकम अल्फाबेटको एस एण्ड पी १०० इण्डेक्समा अन्य कम्पनीहरुको तुलनामा हुने स्टक रिटर्नको आधारमा भुक्तानी गर्ने गरिन्छ । यसको अर्थ यो रकम निकै सानो वा निकै ठूलो मात्रामा हुनसक्नेछ ।
कम्पनीले दर्ता गरेको अनुमानित बिबरणअनुसार सन् २०१९ मा पिचाईको वार्षिक तलब ६ लाख ५० हजार अमेरिकी डलर थियो । कम्पनीले सो रकम सन् २०२० मा २० लाख डलरसम्म पुग्ने बताएको छ ।
अल्फाबेटका सिईओको तलब कम्पनीका कर्मचारीहरुको औसत तलबको तुलनामा १,०८५ गुणा अधिक हो ।
पिचाईलाई गत वर्ष अल्फाबेटका संस्थापकद्धय ल्यारी पेज र सगेई ब्रिनले कम्पनी छोडपछि उनलाई सिईओ बनाईएको थियो । उनी हाल अल्फाबेटअन्तरगतका सम्पूर्ण कम्पनीहरुको नेतृत्व गर्दछन् ।
पिचाईले यसअघि नै यो वर्ष कुनैपनि नयाँ भर्ना नगर्ने र कुनै लगानी नगर्ने बताएका थिए । ब्लूमबर्ग
प्रकाशित: १४ बैशाख २०७७, आईतवार
