एप्पलको नयाँ म्याजिक किबोर्ड आईप्याड प्रोको लागि उपलब्ध

काठमाडौं ।

एप्पलले बुधबार सार्वजनिक गरेको आईफोन एसईको साथमा नयाँ म्याजिक किबोर्ड पनि सार्वजनिक गरेको छ । सो म्याजिक किबोर्ड यसअघि गत महिना सार्वजनिक भएको नयाँ २०२० मोडलका आईप्याड प्रोको एक भागको रुपमा आएको छ ।

एप्पलको म्याजिक किबोर्ड ११ इन्चको आईप्याड प्रो र १२.९ इन्चको आईप्याड प्रोको लागि उपायोगी हुनेछ । यसमा यूनिक फ्लोटिङ्ग डिजाइन राखिएको छ भने साथमा एप्पल ट्याबलेट किबोर्डमा पहिलो पटक ट्र्याकप्याड पनि उपलब्ध छ ।

म्याजिक किबोर्डमा म्याग्नेटिक अट्याच गर्न सकिनेछ भने १३० डिग्रीको एंगलमा ट्याबलेट हेर्न सकिनेछ । फूलसाइज किबोर्डमा ब्याकलीट छ भने किबोर्ड अट्याच भएको वा बन्द भएको बेलामा आईप्याड प्रोको माइक स्वत डिस्कनेक्ट हुनेछ ।एप्पलको नयाँ म्याजिक किबोर्ड आगामी सातादेखि किन्न पाईनेछ भने यो ३० भन्दा बढि भाषाहरुमा सपोर्ट गर्नेछ ।

एप्पलले नयाँ म्याजिक किबोर्डको मूल्य ११ इन्चको लागि २९९ डलर तथा १२.९ इन्चको लागि ३४९ डलर तोकेको छ ।