Technology Khabar ३० चैत्र २०७६, आईतवार
काठमाडौं ।
मारवाडी युवा मंचले स्वास्थ्यकर्मीहरुको सुरक्षालाई ध्यानमा राख्दै टेकु अस्पताल र वीर अस्पतालमा सेनिटाईजिङ बुथ स्थापना गरेर हस्तान्तरण गरेको छ ।
मारवाडी युवा मंचले कोरोना भाईरससँग निरन्तर लडिरहेका स्वास्थ्यकर्मीको स्वास्थ्य सुरक्षालाई ध्यानमा राखेर सो बुथ बनाएको हो । मंचले स्वास्थ्यकर्मीकै सल्लाहअनुसार सो बुथ बनाएको जानकारी दिएको छ ।
‘यो सहयोगले बिरामीहरुको सेवामा निरन्तर खटिएका स्वास्थ्यकर्मीहरु तथा बिरामीहरुको स्वास्थ्यको सुरक्षामा राहत हुने आशा गरेका छौं,’ मारवाडी युवा मंचका अध्यक्ष प्रविन अग्रवाल (चैनवाला) ले भने ।
सो सेनिटाईजिङ बुथमा एक तर्फबाट मानिस भित्र पसेर अर्कोतर्फबाट निस्कँदा स्वचालितरुपमा सेनिटाईजिङ स्प्रे हुने बताईएको छ ।
प्रकाशित: ३० चैत्र २०७६, आईतवार
