सामसङको पुरानो भ्वाइस असिस्टेन्ट ‘एस भ्वाइस’ आगामी जून १ तारिखदेखि बन्द हुने

काठमाडौं ।

टेक कम्पनी सामसङले आफ्नो पुरानो भ्वाइस असिस्टेन्ट फीचरलाई बन्द गर्ने भएको छ । सामसङले अहिलेको बिक्सबी लन्च गर्नुभन्दा धेरै अगाडि एस भ्वाइस लन्च गरेको थियो जून अहिलेपनि केहि पुराना मोडलका स्मार्टफोनहरुमा उपलब्ध रहेको छ ।

अब भने कम्पनीले सो भ्वाइस असिस्टेन्टलाई बन्द गर्न लागेको हो । कम्पनीले सो भ्वाइस असिस्टेन्टलाई त्यसपछि भने विकास नगरि बिक्सबी लन्च गरेको थियो ।

जसले गर्दा अहिले कम्पनीले एस भ्वाइसलाई निरन्तरता नदिने निर्णय गरेको हो ।

अब सो एस भ्वाइस भर्चुअल असिस्टेन्टले आगामी जून १, २०२० देखि काम गर्नेछैन् ।

सामसङको एस भ्वाइस अन्तरक्रिया गर्ने भर्चुअल असिस्टेन्टहरु बिक्सबी वा गूगल असिस्टेन्ट जस्तो थिएन । यसले भ्वाइस कमाण्डलाई भने रेन्पोन्स गर्ने गर्दथ्यो ।

तर कम्पनीले बिक्सबी लन्च गरेपछि एस भ्वाइसको अवस्था बन्द जस्तै थियो ।

यदि तपाईँले जून १ तारिखपछि एस भ्वाइस प्रयोग गर्ने कोशिस गर्नुभयो भने तपाईले त्यसमा अंग्रेजीमा आईएम अनेबल टू प्रोसेस योर रिक्वेस्ट ट्राई एगेन लेटर भन्ने मेसेज दिनेछ । एजेन्सी