त्रिभुवन विश्वविद्यालयका अध्यापकहरुको डाटा ह्याक, प्रभु मनी ट्रान्सफरको डाटा लिएको ह्याकरको दाबी

Technology Khabar २९ चैत्र २०७६, शनिबार

सांकेतिक

काठमाडौं ।

त्रिभुवन विश्वविद्यालय र सिटिईभिटीमा कार्यरत कर्मचारीहरु तथा अध्यापकहरुको डाटा ह्याक गरिएको छ । त्रिभुवन विश्वविद्यालय अन्तरगत कार्यरत अध्यापकहरुको डाटा एक ह्याकरले लीक गरिदिएको हो ।

हालै सातान नामक ट्विटर ह्याण्डलमार्फत ह्याकरले त्रिभुवन विश्वविद्यालय र सिटिईभिटीका अध्यापकहरुको नाम, विभाग र ईमेल एड्रेस सार्वजनिक गरिदिएको हो । जहाँ उनीहरुको पदसहित ब्लड ग्रुपसमेत सार्वजनिक गरिएको छ ।

सो बिबरणमा त्रिभुवन विश्वविद्यालयका १ सय ५० भन्दा बढि अध्यापकहरुको बिबरण रहेको छ भने अधिकांश चिकित्साशास्त्रमा कार्यरत रहेको देखिन्छ ।

ह्याकरले सिटिईभिटीको समेत डाटा लीक गरिदिने चेतावनी दिएको थियो ।

https://twitter.com/satan_cyber_god/status/1248691146198581248

यसअघि सोहि ह्याकरले प्रभु ग्रुप अन्तरगतको प्रभु मनी ट्रान्सफरको डाटाहरु ब्रीच गरेको दाबी गरेको थियो । कम्पनीको करिब ४०० प्रभु मनी ट्रान्सफरका सेवा प्रयोगकर्ताहरुको डाटा ह्याकरले शुक्रबार बेलुका ह्याक गरेर सार्वजनिक गरिदिएको उल्लेख गरेको छ ।

सातान नामक ह्याकरले आफ्नो ट्विटर एकाउन्टबाट प्रभु मनी ट्रान्सफरको डाटाहरु ह्याक गर्ने चेतावनी दिएको थियो ।

उनले सो कम्पनीको बैंकिङ्ग तथा अन्य सिस्टमहरुमा सेक्यूरिटी कमजोरी भएको भन्दै त्यसको बारेमा यसअघि नै सचेत गराएको दाबी गरेको छ । जहाँ उसले यसअघिको भायनेटको डाटाब्रिचको जस्तै घट्ना गराईदिने चेतावनी दिएको थियो । ह्याकरले आफ्नो सिस्टमलाई सचेत बनाउन भन्दै बेलुका ८ बजे त्यसको डेमो देखाउने उल्लेख गरेको थियो ।तर लीक भएका डाटाहरु प्रभु मनी ट्रान्सफरको नै हो भन्ने कुनै स्वत्रन्त्र पुष्टि भने भएको छैन् । प्रभु मनी ट्रान्सफरको दाबी गरिएका डाटाहरु अहिले भने हटाईएको छ ।