गूगल प्ले स्टोरका ५६ वटा एप्समा मालवेयर, तपाईँको स्मार्टफोनमा यी एप्स भए तत्काल हटाउनुस्

काठमाडौं ।

गुगल प्ले स्टोरमा, मालिसियस एप्स भेटिनु आजभोली सामान्य जस्तै भएको छ र प्रत्येक पटक यसको जोखिम बढि हुँदै गएको छ।

हालैको एक अनुसन्धानले पनि गूगलमा नयाँ मालिसियस एप्स भेटेको छ ।
हाल प्ले स्टोरमा पत्ता लागेका ती मालवेयरसहितका एपहरूलाई फोनबाट जतिसक्दो चाँडो हटाउने सल्लाह दिईएको छ ।

साइबर सेक्यूरिटी रिसर्च फर्म चेकपोइन्टका अनुसार टेक्या(Tekya) नामको नयाँ मालवेयर भेटिएको छ जसले प्ले स्टोरका ५६ वटा एप्सलाई प्रभावित पारेको छ ।

जानकारीका अनुसार त्यहाँ यी ५६ वटा एप्समध्ये २४ वटा एप्स बालबालिकाहरूको एप्स छन जसमा गेम्स रपजल छ । त्यसैगरि ३२ वटा एप्स यूटिलिटीमा अर्थात कुकिङ्ग र हेल्थसँग सम्बन्धित छन् ।
सबैभन्दा चिन्ताको विषय भनेको यी एप्स हालसम्म १० लाख पटक डाउनलोड गरिएको छ ।

अनुसन्धानबाट प्राप्त जानकारीकाअनुसार यी एपहरू डाउनलोड गर्न मालवेयर इन्स्टल हुनेछ र यसले तपाँईको डिभाइसलाई शिकार बनाउँदछ। यी एप्सहरु विज्ञापन धोखाधडी अर्थात विज्ञापन देखाएर फ्रड गर्ने उद्देश्यको लागी बनाईएको बताईएको छ ।

यी हुन ती मालवेयरसहितका एप्सहरु-

चेक पोइन्टका अनुसन्धानकर्ताहरूले यो पुष्टि गरेका छन् कि गुगलले प्ले स्टोरबाट ती एपहरुलाई हटाएको छ जुन मालिसियस थिए। यस बाहेक एप्सका डेभलपरहरूले पनि प्ले स्टोरबाट त्यस्ता गलत एप्स हटाएका छन्।

तर साइबर अपराधीहरुले कुनैपनि बेला अन्य मालवेयरका साथमा एप्सलाई प्लेस्टोरमा ल्याउन सक्ने बताईएको छ ।

अनुसन्धानकाअनुसार भाइरस टोटल र प्ले प्रोटेक्टले पनि ती मालवेयर टेक्यालाई पत्ता लगाउन सकेका थिएनन् ।

यदि तपाईँको स्मार्टफोनमा पनि यी एप्स  छन भने तत्काल हटाउनुहोस् । एजेन्सीका साथ