काठमाडौं ।
इन्टरनेट सेवा प्रदायक कम्पनी इस्टलिङ्क टेक्नोलोजी प्रालिले कोरोना भाइरस संक्रमण रोकथाम, नियन्त्रण तथा उपचारका लागि स्थापना गरिएको सरकारी कोषमा सहयोग रकम जम्मा गराएको छ ।
कम्पनीको तर्फबाट सो सरकारी कोषमा १० हजार रुपैयाँ उपलब्ध गराएको हो ।
कम्पनीले बुधबार सो सरकारी कोषमा रकम जम्मा गरिएको प्रमुख सञ्चालन अधिकृत पुष्कर बडालले जानकारी दिए । उनले आफ्नो र कम्पनीको तर्फबाट सहयोग गरेको भन्दै सबैले गर्ने सानो सहयोग पनि महत्वपुर्ण हुने बताए ।
‘देश र जनताको हितको लागि र कोरोनाको संक्रमणबाट मुक्त गर्न सबै सहयोगी हातहरु जुटौ र सरकारलाई भरपुर सहयोग गरौं,’ उनले भने ।
प्रकाशित: १२ चैत्र २०७६, बुधबार
