काठमाडौं ।
स्मार्टफोन मेकर वनप्लसले आज आफ्नो नयाँ लोगो सार्वजनिक गरेको छ । कम्पनीले सार्वजनिक गरेको नयाँ लोगोमा केहि डिजाइनहरु परिवर्तन गरिएको छ ।
जसअन्तरगत अंग्रेजी अंक वनको डिजाइनमा परिवर्तन भएको छ भने प्लसको चिन्हलाई केहि ठूलो आकार बनाईएको छ ।
कम्पनीले यसलाई आफ्नो कम्युनिटीसँगको थप प्रतिबद्धता भएको बताएको छ ।
यसका साथै कम्पनीले नयाँ फन्ट पनि ल्याएको छ जसलाई कम्पनीले अझै सुधार भएको र आँखाको लागि सहज हुने किसिमको भएको बताएको छ ।
वनप्लसको मुख्य स्लोगनको टेक्स्ट फन्ट पनि परिवर्तन गरेको छ र नयाँ फन्टसहित अंग्रेजीमा नेभर सेटल लेखिनेछ ।
कम्पनीले नयाँ लोगो डिजाइन सार्वजनिक गरेपनि सो आफ्नो अक्सिन अपरेटिंग सिस्टममा पनि आउँछ वा आउँदैन भन्ने बारेमा भने जानकारी दिएको छैन् ।
प्रकाशित: ५ चैत्र २०७६, बुधबार
