काठमाडौं ।
काठमाडौं । आजका दिनहरूमा विश्वव्यापी कोरोनाभाइरस संक्रमणको सनसनी छ। चीनबाट शुरु भएको र दैनिकरुपमा मानिसहरुको ज्यान लिईरहेको कोरोनाभाइरस अरु देशहरुमा पनि छिटो फैलिरहेको छ। कोरोनाभाइरसको लागि अहिले सम्म कुनै उपचार पत्ता लागेको छैन। यस्तो अवस्थामा यसबाट बच्नु नै यसको यसको उपचार हो।
हालै दि सनले टेलिग्राफलाई उद्धृत गर्दै स्मार्टफोन प्रयोगकर्ताहरूलाई यस भाइरसबाट कसरी बच्न सकिन्छ भनेर केही सुझावहरू प्रदान गरेको छ। टेलिग्राफसँग कुरा गर्दै युनिभर्सिटी अफ साउथ्याम्प्टनका प्रोफेसर विलियम केभिलले भने कि यदि तपाईँले आफ्नो हात धोएर आफ्नो स्मार्टफोनको स्क्रिन छुनुभयो र त्यसपछि भने अनुहार छुनुभयो भने तपाईँलाई कोरोनाभाइरस संक्रमित हुन सक्छ।
अर्कोतर्फ, Dscout द्वारा गरिएको अर्को अनुसन्धानले भन्छ कि एक औसत व्यक्तिले दिनमा २,६०० पटक फोन हेर्छ र स्मार्टफोनलाई ७६ पटक प्रयोग गर्दछ। यस अवस्थामा, कोरोनाभाइरसको संक्रमण सजिलै स्मार्टफोन मार्फत फैलिन सकिन्छ।
त्यसैले यस्तो अवस्थामा ब्रिट्सको सल्लाहले भन्छ कि स्मार्टफोनलाई दिनको दुई पटक अल्कोहलयुक्त वाइप्सले सफा गर्नुपर्छ। कोरोनाभाइरस संक्रमण फ्ल्याट सतह को माध्यमबाट तिब्रगतिमा फैलने बताईएको छ। एजेन्सी
प्रकाशित: २२ फाल्गुन २०७६, बिहीबार
