प्रविधि

युसी ब्राउजरले युसी ड्राइभमार्फत भारतमा क्लाउड सर्भिस प्रदान गर्ने, २० जीबी स्टोरेज फ्रि पाईने

युसी ब्राउजरले युसी ड्राइभमार्फत भारतमा क्लाउड सर्भिस प्रदान गर्ने, २० जीबी स्टोरेज फ्रि पाईने
Global IME Bank

काठमाडौं । अलिबाबा ग्रुपको लोकप्रिय ब्राउजरले भारतीय मार्केटको लागी नयाँ रणनिती घोषणा गरेको छ । यस रणनितीअनुसार अब युसी ब्राउजरले आफ्नो भारतीय प्रयोगकर्ताको लागी युसी ड्राइभमार्फत क्लाउड सर्भीस प्रदान गर्नेछ । यूसी ड्राइभको क्लाउड सर्भीसमा प्रयोगकर्ता ले २० जीबी स्टोरेज फ्रीमा पाउनेछन् । यसले स्मार्टफोनको स्टोरेज फुल हुने समस्या भोग्दै आएका भारतीय प्रयोगकर्ताहरुलाई सहज हुने बताईएकोछ ।

यूसी वेबद्धारा यूसी ब्राउजर भित्र नै क्लाउड स्पेस स्टोरेज को ठाउँ प्रदान गरेको छ । ग्लोबल मार्केटमा यूसी ड्राइभ सबैभन्दा पहिले भारतमा लन्च भएको थियो भने त्यसपछि मात्र अन्य बजारमा प्रवेश गरेको थियो । भारतमा यूसी ड्राइभ लन्च हुनुको मुख्य कारण यसको प्रयोग बढी हुनु हो । यूसी ड्राइभ सर्भीसमार्फत प्रयोगकर्ताले २०जीबी स्टोरेज फ्री पाइनेछ ।

यूसीको आशा छ कि ड्राइभ सर्भीसमार्फत प्रयोगकर्ताले दुई ठुलो सुबिधा प्राप्त गर्न सक्नेछन् । पहिलो यस ड्राइभको कारणले प्रयोगकर्ता कम डाटा खर्चेर धेरै डाउनलोडिङको मजा लिन सक्दछन् । र अर्को यस सर्भीसको कारणले प्रयोगकर्ताको स्मार्टफोन आउट अफ स्टोरेज स्पेस हुनेछैन् ।

यूसी ड्राइभको तीन बिशेषताहरु रहेका छन । यूसी ड्राइभ फीचरमार्फत प्रयोगकर्ताले डाउनलोड हुने कन्टेन्ट आफ्नो ड्राइभमा सेभ गर्न सक्छन । यसबाहेक ड्राइभमा प्रयोगकर्तालाई फाइल शेयर गर्न र एक्सचेन्ज गर्ने बिकल्प पनि मिल्नेछ । यूसी ड्राइभमा २०जीबी स्टोरेज फ्रि मा पाइनेछ । यस फीचर प्रति लोभ्याउनको लागी यूसीले कायौ उपहारहरुको पनि घोषणा गरेको छ । यी उपहारहरुमा २० ग्राम सुन, नयाँ स्मार्टफोन, अमेजन डटकम र ओयोको पाँच करोडको कुपन रहेको छ । एजेन्सी

Sajilo Visa
easy care