काठमाडौं ।
काठमाडौं । इन्टरनेट गर्भनेन्स फोरम(आईजीएफ)को म्यागमा नेपालको तर्फबाट आनन्द राज खनाल पुनः सदस्यको रुपमा नियुक्त भएका छन् ।
उनी नेपाल दूरसंचार प्राधिकरणको तर्फबाट म्याक (मल्टिस्टेकहोल्डर एडभाइजरी ग्रुप) मेम्बरको रुपमा संयुक्त राष्ट्र संघ महासचिवको तर्फबाट २०२० का लागि सदस्य भएका हुन् । यसअघि पनि उनले सोहि फोरममा म्याग मेम्बरको रुपमा काम गरिसकेका छन् ।
आईजीएफमा सरकारी, गैर सरकारी, प्राइभेट सेक्टर, नागरिक समाज, प्राविधिक समाजलगायतबाट सदस्यको रुपमा नियुक्त गर्ने गरिन्छ ।
५५ सदस्यीय सो ग्रुपले संयुक्त राष्ट्र संघका महासचिवलाई इन्टरनेट गर्भनेन्स फोरमको कार्यक्रमहरुको बारेमा जानकारी प्रदान गर्दछ ।
प्रकाशित: १० मंसिर २०७६, मंगलवार
