काठमाडौं ।
काठमाडौं । चिनियाँ स्मार्टफोन मेकर कम्पनी भीभोले भारतमा भएको आफ्नो उत्पादन यूनिटलाई बिस्तार गरेको छ । कम्पनीले अब भारतमा ३.३ करोड डिभाइसहरु प्रत्येक वर्ष उत्पादन गर्नेछ ।
कम्पनीले हाल भारतमा ७ हजार ५०० करोड भारु लगानी बिस्तार गर्दै यसअघिको २.५ करोड डिभाइस उत्पादन क्षमतालाई बढाएको हो ।
‘भीभो भारतमा दिर्घकालको खेलाडी बन्न चाहन्छ । उत्तर प्रदेशको ग्रेटर नोयडामा बिस्तारका लागि हामीले २,००० मानिस थप गर्दै अब १०,००० पुर्याएका छौं,’ भीभो इण्डियाका ब्राण्ड स्ट्राटेजी डाइरेक्टर निपुण मार्याले भने ।
कम्पनीले नयाँ बिस्तारित यूनिटबाट आगामी वर्षदेखि मात्र उत्पादन शुरु गर्नेछ ।
भीभो २०१९ को तेस्रो क्वाटरमा तिब्रगतिमा डिभाइस बिक्री गरिरहेको कम्पनीमध्येमा पर्दछ । कम्पनीले भारतमा आफ्नो ब्राण्डको मागलाई पुरा गर्न नयाँ उत्पादन आवश्यक हुने अपेक्षा गरेको छ ।
भारतमा चौथो क्वाटरमा भीभोले १७ प्रतिशत बजार हिस्सा ओगटेको छ । एजेन्सी
प्रकाशित: २२ कार्तिक २०७६, शुक्रबार
