काठमाडौं ।
काठमाडौं । ईजी मोबाइल केयर प्रा.लि.ले दशैं, तिहार र छठ पर्वको अवसर पारेर बैंकका क्रेडिट कार्ड भएका ग्राहकहरुका लागि फेष्टिवल अफर ल्याएको छ । न्यूरोड ताम्राकार कम्प्लेक्समा रहेको कम्पनीले विभिन्न ब्राण्डका स्मार्टफोनहरु किस्ताबन्दीमा खरिद गर्न सकिने अफर सार्वजनिक गरेको हो ।
‘बैंकको क्रेडिट कार्ड देखाउनुस, शुन्य प्रतिशत ब्याज र किस्ताबन्दीमा स्मार्टफोन लैजानुस,’ नामक अफरअन्तरगत हाल ग्लोबल आइएमइ बैंक, सिद्धार्थ बैंक, नेपाल इन्भेष्टमेन्ट बैंक, मेगा बैंक, नबिल बैंक, सेन्चुरी बैंक, माछापुच्छ्रे बैंक, प्रभु बैंक, कुमारी बैंक, एनआईसी एशिया बैंकका क्रेडिट कार्ड प्रयोगकर्ताहरुले यसको फाईदा उठाउन सक्ने बताईएको छ।
ग्राहकहरुले आफ्नो क्रेडिट कार्डमार्फत मासिक किस्ताबन्दी र शुन्य ब्याजदरमा कुनैपनि ब्राण्डको स्मार्टफोन किन्न सक्नेछन् । कम्पनीकाअनुसार यहि असोज १ गतेदेखि लागू भएको यो अफर कात्तिक ३० गतेसम्म लागू हुनेछ ।
कम्पनीले विशेषगरि बैंकका क्रेडिट कार्ड होल्डरहरुलाई सहज र सुविधाजनक रुपमा मासिक किस्ताबन्दीमा स्मार्टफोन उपलब्ध गराउने गरि यो योजना ल्याएको ईजी मोबाइल केयर प्रा.लि.का अध्यक्ष संजित पौडेलले बताए ।
‘हामी रु १ मा स्मार्टफोन र मासिक किस्ताबन्दीमा स्मार्टफोन दिने नेपालकै पहिलो र एक मात्र कम्पनी हौं, बैंकका क्रेडिट कार्ड होल्डरले सजिलोसँग नै मनपरेको स्मार्टफोन किन्न सक्ने सुविधा दिएका छौं,’ उनले भने।
कम्पनीले नगदमा स्मार्टफोन किन्ने ग्राहकहरुका लागि पनि सुविधा र अफर दिएको छ । ग्राहकहरुले विभिन्न स्मार्टफोनहरुमा न्यूनतम ५ प्रतिशतदेखि ५० प्रतिशतको छुट पाउन सक्नेछन् ।
सिमित अवधिका लागि घोषणा गरिएको यस अफरअन्तरगत किस्ताबन्दीमा कुनै ब्याज नलाग्ने र ग्राहकले आफ्नो चाहनाअनुसार बाँकी रकम ६ महिना, १२ महिना, १५ महिना र १८ महिनाको किस्ता छनौट गरेर भुक्तानी गर्ने सुविधा दिएको बताएको छ । कम्पनीबाट किनेको फोनमा थप १ वर्षको वारेन्टी सुविधा दिने ईजी मोबाइल केयरले जनाएको छ ।
प्रकाशित: ३ आश्विन २०७६, शुक्रबार
