काठमाडौं ।
काठमाडौं । ठूलो मात्रामा ईमेल स्क्याममार्फत रकम ट्रान्सफरको अपराध गरेको भन्दै विभिन्न १० देशहरुमा प्रहरीले २८१ जनालाई पक्राउ गरेको छ ।
बैंकहरुलाई झुक्याउँदै स्पूफ ईमेल मेसेजहरु पठाएर रकम ट्रान्सफर गर्न लगाउने गिरोहलाई विभिन्न देशका प्रहरीले अमेरिकाको संघिय जाँच ब्यूरोको समन्वयनमा पक्राउ गरेको हो । ती संकास्पद व्यक्तिहरुको समूहले विभिन्न व्यक्तिहरु तथा कम्पनीहरुबाट लाखौं डलर चोरी गरेका थिए ।
उनीहरुले बैंकलाई स्पूफ ईमेल मेसेज पठाएर रकम ट्रान्सफरको लागि अनुरोध गर्ने गरेका थिए । जसमा उनीहरुले नियन्त्रण गरेको बैंक एकाउन्टमा रकम जम्मा गर्न अनुरोध गर्ने गर्दथे ।
ती १० मुलुकहरुमा एकैपटक गरिएको सो अपरेशनमा करिब ३.७ मिलियन डलर समातिएको थियो भने करिब ११८ मिलियन डलर पुन फिर्ता गरिएको थियो । यसमध्ये सबैभन्दा धेरै पक्राउ अफ्रिकी मुलुक नाईजेरीयामा भएको थियो जहाँ १६७ जनालाई पक्राउ गरिएको थियो ।
त्यसैगरि अमेरिकामा ७४ जना र अन्य व्यक्तिहरु फ्रान्स, जापान, ईटाली, केन्या, मलेशिया र बेलायतमा पक्राउ गरिएका थिए । यी सबै व्यक्तिहरु बिजेनस ईमेल कम्प्रोमाईज जसलाई ईमेल एकाउन्ट कम्प्रोमाईजमा संम्लग्न रहेको बताईएको छ ।
यो एक प्रकारको अनलाइन स्क्याम हो जसमा आक्रमणकारीहरुले कम्पनीका कामदारहरुको एकाउन्टमा पहुँच प्राप्त गर्दछन र ती एकाउन्टमा पहुँच पाएपछि उनीहरुले अन्य कामदार वा बिजनेस पार्टनरहरुलाई उनीहरुको एकाउन्टमा रकम भुक्तानी गर्न वा मनि ट्रान्सफर गर्न अनुरोध गरेर ईमेल पठाउने गर्दछन् ।
बिजेनस ईमेल कम्प्रोमाईजलाई साइबरअपराधको बाहिरी तहको कार्यको रुपमा हेरिन्छ तर यो पछिल्लो दिनहरुमा ह्याकरहरुका लागि निकै फाईदाजनक हुँदै गएको छ ।
एफबिआईको इन्टरनेट कम्प्लेन क्राई सेन्टरकाअनुसार बिजेनस ईमेल कम्प्रोमाईज भनिएको स्क्याममार्फत विश्वभर सन् २०१६ जुलाईदेखि जुलाई २०१९ भित्र मात्रै २६ बिलियन डलर गुमेको थियो ।
अमेरिकी अधिकारीहरुले यस्तो स्क्यामरहरुको पक्राउ यसअघि पनि गर्ने गरेका थिए तर यो पटक भने बहुदेशिय अपराधीहरुलाई समेत पक्राउ गरिएको हो ।
एफबिआईले कसैलाई रकम पठाउनु भन्दा अघि त्यस्तो ईमेलको परीक्षण गरेर मात्र ती अनुरोधहरुलाई स्विकार गर्न भनेको छ ।
प्रकाशित: २८ भाद्र २०७६, शनिबार
