आर्थिक समाचार

सांग्रिला डेभलपमेन्ट बैंक र स्पारो पेबीच सम्झौता, ग्राहकलाई खल्ती डिजिटल वालेट सेवा प्रदान गर्ने

सांग्रिला डेभलपमेन्ट बैंक र स्पारो पेबीच सम्झौता, ग्राहकलाई खल्ती डिजिटल वालेट सेवा प्रदान गर्ने
Global IME Bank

काठमाडौँ । सांग्रिला डेभलपमेन्ट बैंक लिमिटेड र स्पारो पे प्रालिबीच खल्ती डिजिटल वालेट सेवा प्रदान गर्ने सम्बन्धी सम्झौता भएको छ । सहमती पत्रमा बैंकको तर्फबाट प्रमुख कार्यकारी अधिकृत सुयोग श्रेष्ठ र स्पारो कम्पनीको तर्फबाट निर्देशक ध्रुब अधिकारीले हस्ताक्षर गरे ।

सांग्रिला डेभलपमेन्ट बैंकले आफ्ना ग्राहकवर्गहरुलाई विभिन्न प्रकारका बैंकिङ्ग सुविधाहरु जस्तै मोबाईल बैंकिङ्ग, लकर, एटिम, इन्टरनेट बैंकिङ्ग, एबिबिस, रेमिटयान्स आदि सुविधाहरु दिंदै आएकोमा हाल निकै प्रचलनमा रहेको पेमेन्ट गेटवे खल्तीसंग सम्झौता गरेको हो ।

यो सुविधाअन्तर्गत सांग्रिला डेभलपमेन्ट बैंकका ग्राहकहरुले इन्टरनेट बैंकिङ्ग तथा मोबाईल बैंकिङ्गद्वारा आफ्नो खातामा रहेको रकम खल्तीमा लोड गरी मोबाईल टपअप, एअर टिकट खरिद, खानेपानी शुल्क भुक्तानी, विद्युत महसुल भुक्तानी, सिनेमाका टिकेट जस्ता विभिन्न अन्य सुविधाहरु प्राप्त गर्न सकिन्छ । यो सेवालाई सांग्रिला डेभलपमेन्टका विभिन्न शाखाहरुका काउन्टरबाट डिपोजिट फर्म भरेर पनि यो सुविधा उपयोग गर्न सकिने बैंकले जनाएको छ ।

Sajilo Visa
easy care