काठमाडौं ।
काठमाडौं । विश्वको सबैभन्दा ठूलो रियल स्टेट इन्स्योरेन्स कमपनी फस्ट अमेरिकन फाइनान्सियल कर्पका ग्राहकहरुको डाटा लीक भएको छ ।
कम्पनीको वेबसाइटबाट ग्राहकहरुको बारेमा रहेका संवेदनशिल जानकारीहरु बाहिर आएको हो । फस्ट अमेरिकन फाइनान्सियल कर्पकाअनुसार सन २००३ देखिका ग्राहकहरुका वित्तिय जानकारीहरु लीक भएको छ । जसमा ८८ करोड ५० लाख ग्राहकहरुको फाईल संख्या रहेको छ ।
कम्प्यूटर सुरक्षा र साइबर अपराधबारे जानकारी राख्ने वेबसाइट क्रेब्सअनसेक्यूरिटीकाअनुसार करोडौं मानिसहरुको डकुमेन्टहरु जसमा बैंक एकाउन्ट नम्बर, स्टेटमेन्टहरु, मोटगेज र ट्याक्स रेकर्ड, सोसियल नम्बर, वायर ट्रान्जेक्सन रिसिप्ट र ड्राइभर लाइसेन्स इमेजसहितका जानकारीहरु लीक भएको हो ।
रियल स्टेटको कारोबारको बीमाको क्षेत्रमा फस्ट अमेरिकन फाइनान्सियल प्रमुख र धेरै प्रयोग हुने कम्पनीहरुमध्ये एक हो ।
सो जानकारीहरु कम्पनीको वेबसाइटमा जसले पनि कुनै आधारबिना नै हेर्न सक्ने गरि रहेको थियो ।
तर हाल कम्पनीले ती जानकारीहरु हटाईसकेको बताएको छ । कम्पनीकाअनुसार सो लीक कम्पनीको पडक्सन एप्लिकेसनमा भएको त्रुटीका कारण भएको भन्दै सो एप्लिकेसनसम्मको पहुँचलाई बन्द गरेकोछ ।
फस्ट अमेरिकनले हाल सो घट्नाको असरको बरेमा अनुसन्धान गरिरहेको र त्यसको लागि फरेन्सिक फर्मलाई नियुक्त गरिएको जानकारी दिएको छ । एजेन्सी
प्रकाशित: १२ जेष्ठ २०७६, आईतवार
