Technology Khabar ११ चैत्र २०७५, सोमबार
काठमाडौं ।
काठमाडौं । चिनियाँ टेक कम्पनी साओमीले यसअघि एमआई ९ लन्च गर्दा घोषणा गरेको गेम स्पीड बुस्टर फीचर आफ्नो अर्को फोन पोकोफोनमा पनि उपलब्ध गराएको छ ।
साओमीको सब ब्राण्ड पोकोफोनको पोकोफोन एफ वान Pocophone F1 मा कम्पनीले सोहि फीचरलाई नयाँ नाममा ल्याएको हो । कम्पनीले यसलाई गेम टर्बो (Game Turbo) फीचर भनेको छ ।
यसको नाम जस्तै यो फीचरले गेमिंग अनुभवलाई उत्कृष्ट बनाउनेछ । जसले सबै उपलब्ध सोर्सलाई प्रयोग गर्नेछ । यसले स्मार्टफोनको सिपीयू र जीपीयूको पावरलाई वृद्धि गर्दै गेम खेलिरहेको बेला बिना कुनै बाधा सहजता दिनेछ ।
पोकोफोन एफ वानमा आएको गेम टर्बोले यसका साथै स्मार्टफोनको मेमोरीलाई पनि खालि गराउँछ । त्यस्तै गेम खेलिरहँदा पनि स्क्रीनसट लिन, रेकर्डिंग गर्न र वाईफाई खोल्न वा बन्द गर्न तथा सिम कार्डहरु परिवर्तन गर्ने सुविधा दिन्छ ।
अझ रोचक भनेको तपाईँले ह्वाट्सएप, फेसबुक र ब्राउजरहरु पनि गेम खेलिरहँदा प्रयोग गर्न सक्नुहुन्छ ।
यो फीचर केबल एमआईयूआई ग्लोबल बीटा यूजर्सका लागि मात्र उपलब्ध छ ।
प्रकाशित: ११ चैत्र २०७५, सोमबार
