काठमाडौं ।
काठमाडौँ । चिनियाँ टेक कम्पनी शाओमीले एमआई टिभी ४ (Mi TV 4) सार्वजनिक गरेको छ । कम्पनीले ६५ इन्चको फोरके एडिआर एलईडी मोडल चीनमा सार्वजनिक गरेको छ ।
कम्पनीको नयाँ टिभी एन्ड्रोयडमा आधारित प्याचवाल यूआई तथा अल्ट्रा थिन बडी ७.५ एमएम पातलो रहेको छ ।
एमआई टिभीमा डल्बी प्लस डिटिएस अडियो इन्टिग्रेशन तथा फोरके एचडीआर भिडियो सपोर्ट रहेको छ ।
शाओमी एमआई टिभी फोरमा २ जीबी र्याम र १६ जीबीको स्टोरेज राखिएको छ । त्यसैगरि यो टिभीमा आर्टिफिशियल इन्टेलिजेन्स ब्याक भ्वाइस कन्ट्रोल सिस्टम छ । नया एमआई टिभी फोर ६५ इन्चको फुलस्क्रीन प्यानलमा फोरके एचडीआर प्लेब्याक सपोर्ट रहेको छ । यसका साथै टिभीमा मिनमिल बेजल तथा मेटल बडी राखिएको छ ।
यो टिभी क्वाड कोर कर्टेक्स ए५३ चीपसेटका साथै आउँछ ।
नयाँ टिभी हाल चीनमा मात्र उपलब्ध हुनेछ जसको मूल्य ५,९९९ चिनियाँ यूआन रहेको छ ।
प्रकाशित: २१ कार्तिक २०७५, बुधबार
