काठमाडौं ।
काठमाडौं । ह्वावेका स्मार्टफोनहरु विश्वभर उपलब्ध र लोकप्रिय हुँदै गएका छन् तर ती स्मार्टफोनहरुमा अबदेखि तपाईँले भीएलसी मिडिया प्लेयर भने चलाउन पाउनुहुनेछैन् ।
हो यो सत्य हो एप विकासकर्ताहरुले ह्वावे फोनलाई कालोसूचीमा राखेको घोषणा गरेका छन् । उनीहरुले ह्वावे फोनहरुमा भीएलसी मिडिया प्लेयर ब्याकग्राउण्ड प्ले भईरहेको बेलामा अनावश्यकरुपमा ह्वावे फोनले त्यसलाई बन्द गर्ने वा रोक्न प्रवृद्धिका कारण यस्तो गरिएको जानकारी दिएका छन् ।
भिडियो हेर्नका लागि एन्ड्रोयड फोन यूजर्सका बिचमा भीएलसी मिडिया प्लेयर निकै लोकप्रिय रहेको छ । तर अबदेखि तपाईँले भीडियोएलएएन(भीडियो मिडिया प्लेयर) ह्वावेका फोनहरुमा प्रयोग गर्न र डाउनलोड गर्न पाउनुहुनेछैन् ।
डेभलपरहरुले यसलाई गूगल प्ले स्टोरबाट ह्वावे नयाँ फोनहरुमा डाउनलोडमा प्रतिबन्ध गरेका हुन् । अब ह्वावे मोबाइल प्रयोगकर्ताहरुले प्ले स्टोरमा भीडियो एलएएनको भीएलसी मिडिया प्लेयर सर्चमा पाउने छैनन् ।
अहिलेसम्म ह्वावे फोनहरुमा भीएलसी मिडिया प्लेयरले किन कमजोर बनाईएको थियो भनेर ह्वावे प्रयोगकर्ताहरुलाई थाहा थिएन जसको कारण उनीहरुले सो एपलाई वन स्टार रेटिंग दिँदै आएको भीडियो एलएएनको भनाई छ।
प्रकाशित: ११ श्रावण २०७५, शुक्रबार
