मोबाइल फोन सफा गर्दा यी उपायमा ध्यान दिनुस, तपाईँको फोन सँधै नयाँ देखिन्छ

काठमाडौं ।

काठमाडौं । तपाईँले बजारमा विभिन्न किसिमका स्मार्टफोनहरु छानीछानी किन्न सक्नुहुन्छ, जून विभिन्न फीचरयुक्त रहेका हुन्छन् । स्मार्टफोन किनेर त्यसको प्रयोग गर्ने मात्र होईन की त्यसको सुरक्षा र सरसफाई पनि निकै महत्वपूर्ण हुने गर्दछ । यसको सुरक्षा र सरसफाई सही तरिकाले गर्नुभएन भने यो छिटै बिग्रन सक्नेहुन्छ ।

वैज्ञानिकहरुले पनि स्मार्टफोनको सरसफाईमा ध्यान नदिँदा लाखौं करोडौं जिवाणुहरु फोनमा हुने गरेको पाईएको पुष्टि गरिसकेका छन् । जसले प्रयोगकर्ताको स्वास्थ्यमा समेत खराबी ल्याउन सक्दछ ।

स्मार्टफोनको सरसफाई र सुरक्षा गर्दा ठिक किसिमले भएन भनेपनि अर्को समस्या निम्तिन्छ र फोन बिग्रनसक्दछ । त्यसैले तपाईँले आफ्नो फोनलाई कसरी सफा र सुरक्षित बनाउन सक्नुहुन्छ भन्ने बिषयमा जानकारीका दिने प्रयास गरेका छौं ।

अधिकांश समय फोनलाई राम्रो बनाउन वा टल्काउन लिक्विड क्लीनरको प्रयोग गर्ने गर्दछन् । तर त्यस्तो लिक्विड क्लीनर स्मार्टफोन सफागर्नका लागि उपयुक्त छ वा छैन भन्ने विषय पनि ध्यान दिनुपर्ने हुन्छ । नत्र स्मार्टफोनको रंग खुईलिने, बिग्रने समस्या आउन सक्दछ ।

स्मार्टफोन सफा गर्दा ध्यान दिनुपर्ने विषयहरु

-जतिबेला आफ्नो फोन सफा गर्नुहुन्छ, त्यसबेला सबैभन्दा पहिले तपाईँ फोनको बाहिरी कभर समेत झिक्नुहोस् ।

-तपाईँ फोनलाई चार्जमा राखिरहनुभएको छ भने चार्जबाट झिक्नुहोस् । नत्र करेन्ट लाग्ने संभावना अत्यधिक हुन्छ ।

-हरेक पटक तपाईँ आफ्नो स्मार्टफोन सफा गर्दै हुनुहुन्छ भने तपाईँले त्यो स्मार्टफोनको स्वीच अफ गर्नुहोस र त्यसको ब्याट्री निकाल्नुहोस् । यदि ब्याट्री इनबिल्ट छ, अर्थात झिक्न नमिल्ने छ भने स्वीच अफ मात्र गरे पुग्दछ ।

-अधिकांश मानिसहरु जस्तो पायो त्यस्तै वा जुन कपडा नजिकै छ त्यसैले फोन सफा गर्ने गर्दछन् । जसले गर्दा फोनमा विभिन्न साना साना धर्साहरु देखिने, स्क्रीनमा स्क्र्याच देखिने, फोनको रंग खुईलिने जस्ता समस्या आउँछ, त्यसैले हरेक पटक फोन सफा गर्दा सूती कपडा/कटन कपडाले मात्र सफा गर्ने गर्नुहोस् ।

-फोनलाई कुनै लिक्विडद्धारा सफा गर्नुभन्दा पहिले सुख्खा सूती कपडाले राम्रोसँग सफा गर्नुहोस् ।

-यदि तपाईँ लिक्विडद्धारा फोन सफा गर्दै हुनुहुन्छ भने लिक्विड हाल्दा स्क्रीनको बीचमा मात्र पर्ने गरि हाल्नुहोस् । लिक्विड फोनको छेउ भागमा गएर भित्र पस्यो भने फोन खराब हुनसक्दछ ।

-कहिले पनि हेडफोन पोर्ट वा चार्जिंग पोर्टलाई  भिजेको कपडाले सफा नगर्नुहोस् । यसले फोनमा समस्या आउन सक्दछ ।

-फोनलाई सफागर्नको लागि बजारमा उपलब्ध हुने उपयुक्त लिक्विडको मात्र प्रयोग गर्नुहोस् ।

-स्मार्टफोनको स्क्रीन सफा गर्दा अधिक थिचिने हुनसक्दछ त्यसमा ध्यान दिनुहोस् ।

-फोन सफा गर्दा कहिलै पानीको प्रयोग नगर्नुहोस् । पानीले फोनमा खियालाग्ने र त्यसका पार्टहरु बिग्रने हुन्छ ।

यी केहि उपायहरु अपनाउनुभयो भने तपाईँको फोन हर समय नयाँ जस्तै देखिन्छ ।