एनसेलमा ट्वीटर चलाउँदा चैत १२ गतेदेखि पैसा तिर्नुपर्ने

काठमाडौं ।

काठमाडौं, ८ चैत । एनसेलले २ वर्ष अघिदेखि आफ्ना ग्राहकहरुलार्इ दिँदै आएको निःशुल्क ट्वीटर सेवा बन्द गर्ने भएको छ । यहि चैत १२ गतेदेखि एनसेलले आफ्नो फ्रि ट्वीटर सेवा बन्द गर्ने घोषणा गरेको हो ।

ट्विटरसँगको निःशुल्क सेवा चैत १२ गतेसम्म मात्र भएको र त्यसपछि निःशुल्क सेवाको सम्झौता सकिने भएकाले एनसेलले निःशुल्क ट्वीटर सेवा बन्द गर्ने भएको हो ।

त्यसैगरी, एनसेलले निःशुल्क विकिपिडिया सेवा पनि बन्द गर्ने जनाएको छ ।

एनसेलले २०१४ देखि नै फ्री ट्वीटर सेवा दिँदै आएको थियो ।

फेसबुकसँगको सहकार्यमा केही महिनायता एनसेलले आफ्ना प्रयोगकर्तालाई फ्रि फेसबुक सेवा दिर्इ रहेको छ ।